عودة للروتين ...... تقريباً -_-

آآآآآآآآآآآآآآآآآآآآآآآآه
كيفكم شباب ..
اذا رجعنا للروتين ..
في الحقيقة الروتين جيد من ناحية انه وقتك يكون مرتب ومنظم ..
بعكس الفراغ واللخبطة اللي تصير لك أيام الإجازة ..

اوكي طبعا بما انه مر الان على بداية الدراسة 5 أسابيع تقريبا (بدون احتساب الإجازة ) فإنه هذا يعني عدة امور :
أولاً : بداية دوامة الإختبارات والكويزات بمعنى (اختبارات الشهر الأول -- اختبارات الشهر الثاني -- الاختبار النهائي -- وطبعا لازم يسدون الفراغات بالكثير من الكويزات -_____-" ) يااااالهي ..

ثانيا :
بداية تكثيف المشاريع والواجبات لانه مثل ما هو معروف وقت الراحة خلاص انتهى والان بدأ وقت الجد -_-

ثالثا وأخيرا ً :
آآآه كم سأشتاق لك يا الإجازة :p

اوكي خلنا من هذا ..
اليوم ثاني مره من بداية الترم يجي دكتور مادة السلم (الاسلام وبناء المجتمع) حلو الاسم :-)
المشكلة انه من بداية الدارسة ونحن يالطلاب نروح لمكان المحاضرة ننتظر نصف ساعة ما يجي أحد والكل يروح ..
بعد اسبوعين رحنا مرينا مسجل كليتنا نتأكد هل القاعة صحيح والا كنا غلطانين ..
صارت القاعة نفسها ولكن الدكتور لم يحضر ..
الاسبوع الثالث (أول اسبوع في رمضان) نفس الحالة ما جاء الدكتور !!!
بعدها قلنا نروح لكلية الآداب قسم الثقافة الاسلامية ونسألهم ..
بعد ما استفسرنا من عندهم قالوا انه هذي هي القاعة وقلنا له ما جاء أحد في الاسابيع الماضية ..
رد بأنه أنتم روحوا وبيجيكم -_-

المهم في الاسبوع اللي بعده جائنا دكتور (أخيرا) ولكن قال يمكن ما أستمر معكم ..
قعد يتكلم عن المنهج بشكل عام وأخذ أسماء الطلاب وقال لا تحضروا الاسبوع القادم (آخر اسبوع في رمضان)

المهم اليوم جاء دكتور آخر غير صاحبنا الأول ..
جلس يلومنا ليش ما جيتونا ومدري ايش وان زملائكم الان خلصوا نصف المنهج ..
الحين صار اللوم علينا :@
المهم انه جلس يشرح ساعة وبأسلوب بارد يجيب النوم وهو جالس يتثاوب علينا (هو نفسه فيه النوم -_- )

وبعد ما خلص قال اليوم كان مجرد تسخين والاسبوع القادم نبدأ بشكل فعلي ..

الله يستر بس لا يجي بعطينا المنهج اللي راح علينا في يومين ويقول داخل معكم في الاختبار ..

------

بعيداً عن الدراسة وهمها ..
انمسح تخزين كاسلفينا :-(

ما أدري وش صار شغلت الدي اس ولعبة فيها شوي ..
مت عند واحد من الزعماء (واحد من اللي بيصيرون دارك لورد ) << حلو الشرح :P
المهم بعد ما مت عنده جاني داتا كوربتد ؟!
يوم جيت بأسوي لود ..
لااااااااا وين راحت :'(

فنعم الان تركت اللعبة ما ودي ألعبها انواع التحطيم ..

-------

حكمة اليوم :
يامــــــــزيــــــــــــنــــــــــك يالأصلي ..
ايه ولا تنسون تذاكرون خاصة اذا كان عندكم كويز بكرة << -_-

دعواتكم لنا بالتوفيق ..


Thanks For Reading Shabab :p

عيدكم مبارك :-)

كل عام وانتم بخير .. (بعد الزحمة -_-)
نسأل الله ان يعيده علينا وعليكم باليمن والمسرات ..
وأن يتقبل منا ومنكم صالح الأعمال ..

كنت مخطط انه أكتب هذي المعايدة ليلة العيد قبل ما اسافر ويكون معها اعتذار عن الانقطاع لكن ..
تجري الرياح بما لا تشتهي السفن ..

أحب أعتذر عن انقطاعي الفترة الماضية المشاغل كانت كثيرة .. ( من ضمنها الألعاب ;-) )
وكنت اذا دخلت النت ادخل للمنتدى وبعض المواقع ..
فكان البلوج موضوع في أسفل القائمة ..

أشكر الشباب اللي سألوا في الفترة الماضية ..
واللي ما سألوا بعد -_-

عموما ان شاء الله بيكون فيه تحديثات أكثر في الفترة القادمة مع بداية الدراسة والوقت يبدأ يتنظم أكثر ..

كملت 10 ساعات في فاينل فانتزي 12 ..
ما توقعت أبدا هذا الشيء يصير مثل ما ذكرة في مقال سابق ان تبادل الأدوار ما أحب العبه (ما ادري كيف الواحد يتحمل يلعبه )
لكن نظام فاينل فانتزي 12 صار القتال ريل تايم يعني ما تنتظر الى انهم ينقلونك الى القتال ثم بعد ما ينتهي القتال تنتظر الى ان ترجع وهلم جرا ..
فنقطة السرعة هذي حلوه ..

غير كذا نظام الجامبتس اللي تخليك تحط اوامر معينة للفريق اللي معك بحيث خلاص يصير تحركاتهم تلقائية بدون ما انت تضطر انك توجههم لكل خطوة ( طبعا أنا حاط حتى قائد الفريق مشغل له الجامبتس )

ان شاء أنهي جزء كبير منها قبل بداية الدوام ..

وتكون أول لعبة
Turn-Based RPG
أكملها للنهاية ;-)
ويمكن أكون آربيجي فريك :p

لكن لو رجعوا للنظام الكلاسيكي القديم فأكون ما استفدت شيء -_-


Thanks for Reading :)

أنت فائز بـ 1000000 فقط أرسل رسالة -__- (yea Right)

جيب لكزس RX 2006
يستاهل المحاولة جاوب صح وخذ المفتاح على 70002233

---------

أنت محظوظ تأهلت للسحب النهائي على100.000ريال أرسل حرف م على رقم 84422

----------

مبروك تم إختيارك لكي تربح سيارة
S350
أرسل حرف ر على رقم 84444

----------

بدون سحب فقط بمسج اربح يوميا5000 ريال و25000 اسبوعيا و250000الكبرى

(وبعد ما تسحب عليهم وما ترسل )

لقد تم تسجيلك في التحدي ورقمك هو: 215348

( O_o )

-----------

اتصل على70002258 الحين قد تكون وحدك رابح مليون ريال كاش بدون منافس

------------

إختارك الكمبيوتر لتدخل السحب على سيارة
BMW
أرسل حرف ف لتكن من الرابحين

-------------

يالله امتلئ جهازي من رسائلهم -_-
هذي الرسائل اللي بقت بعد ما مليت من حذف الرسائل هذي ..
تجيني رسالة شبه يومي وبعض المرات رسالتين ..
والمشكلة طريقتهم في عروضهم يعني مبروووووووك لقد فزت بتريلون الف فقط أرسل حرف راء وسجل بياناتك -_-

ما أدري من وين جابوا رقمي جوالي بس ..

المشكلة انا الوحيد في العائلة اللي توصلني هذي الرسائل ..
بالإضافة الى رسائل معايدة في السنتين الماضية ..

توصلكم رسائل الإزعاج هذي بعد والا بس مستقعدين لي أنا وعاليني لوحدي -_-

الله يفكنا منهم ..

حينما يقع الشبل في شباك الأسد :p

السلام عليكم :-)
كيفكم شباب ..

بداية أحب أعتذر عن الانقطاع البسيط اللي حصل..
الأيام الماضية كانت متعبة ..
اليوم الصباح سلمت البروجيكت واللي كان متعب نوعا ما ..
وكان عندي بالأمس اختبار -_-
لكن الحمد لله مره على خير ..
وطبعا غير المشاوير الجانبية ( أكرهك يالأسواق) والزحمات اللي أصبحت عادة حتى انك تستغرب عدم وجودها بعض المرات ..

وأخيرا الاتصال الفضائي الغبي مع أوربت -_-
يعني يمكن لي تقريبا اسبوع ما حضيت باتصال زي الناس ..
تقطيع وبطئ وغيرها ..
صحيح انه يشتغل على ثلاث أجهزة لكن 300 ميجا في اليوم ثم بعدها يوصل الاتصال للحضيض شيء يقهر ..
في اليومين هذي نتدارس فكرة زيادة سرعة الاتصال والاشتراك مع باقة الحلول المكتبية اللي توفر مساحات أعلى في التحميل ..

المهم انه الان كل شيء على ما يرام :-)
ما عدى انه عندي محاضرة بعد التراويح -_-

اوكي أكلت لي مقلب أليم بالأمس :p
المشكلة تكمن في اني توقعت اني كشفت المقلب ولكنه كان مقلب ذو وجهين ومضاعف و ... الخ

طبعا أتوقع ان الكل سمع عن خدمة الاتصالات السعودية في ارسال الرسائل عن طريق موقعهم الى الجوالات ..
المقلب كان كالتالي :
وصلتني رسالة مفادها انه هذه رسالة تجريبية وانت غير ملزوم منك الرد ونحن نعلم انك مجتهد ونشيط وانك مشغول 0_0
طبعا اسلوب صياغة الرسالة نفس اسلوب اخوي الأصغر مني وكذلك المرسل كان هو وبرقمه ..

طبعا أنا اللي فهمته انه كان يبغى يسوي فيني مقلب ولكنه ما عرف انه لازم تحط عنوان والا بيحطون رقم المرسل ..
غير كذا كان اسلوب صياغة الرسالة ابدا غير رسمي ( قد شفتوا رسالة رسمية أولها كيف الحال -_- ) ..
وكونه صاحب سوابق عزز هذا اليقين انه هو ..

طبعا انا بعدها ارسلت له رسالة أهزئه فيها :p
وأعلمه أخطائه وكيف انه يسوي مقلب زي الناس المره الثانية ..

طبعا في اللحظة هذي حسيت نفسي رهيب وذكي الخ الخ :p

السالفة هذي كانت بعد العصر..
انا بعد ما بردت حرتي فيه أخذت لي قيلولة الى اذان المغرب ..

على الفطور اخوي ما ذكر الموضوع وانا مشيتها قلت يمكن ما قرأ رسالتي ..

المهم انه في اثناء الفطور والدي العزيز قال لي محمد ما وصلتك رسالة اليوم ؟
انا هنا بدأت تتجمع في رأسي الكثير من علامات الاستفهام والتعجب ؟!؟!؟
اول ما طرى على بالي هو انه اخوي ارسل لي ولأبوي ..

قلت له الا وصلتني الرسالة الفلانية واني ارسلة له رسالة أهزئه فيها ( طبعا اخوي ما كان موجود في اللحظة هذي )
هنا أبي الغالي والعزيز بدأ بالضحك والقهقهة :p

هنا أحسست بعكس الشعور اللي شعرته بعد ما أرسلت رسالة التهزيئ ..

السالفة وما فيها ان أبي الغالي والعزيز :-)
هو اللي نظم المقلب وهو اللي أرسل الرسالة وبما انه جوال أخوي مسجل باسم الوالد ..
ابوي هنا استخدمت صلاحياته لتنفيذ المقلب اللي أكلته ان كاملاً ..

اللي استغربته هو اسلوب الرسالة يعني نفس اسلوب اخوي..
ولكن فعلا هذا الشبل اللي هو انا من ذاك الأسد :p

يالله نعيش وناكل غيرها -_-
وما أقول الا منكم نستفيد يا أبو محمد ;-)



حكمة اليوم :
لا تحاول تسوي نفسك فاهم في المقالب وحاول تنظر للمقلب من جميع النواحي ..
لان احتمالية كبيرة انه مخطط المقلب شخص خارج نطاق تغطية حساباتك :p



THANKS FOR READING GUYS..

What a Joyful Week :-D

My Dear Logical Thoughts.. :-)


الأيام الماضية كانت جدا حافلة ..
بداية بمؤتمر سوني المحبط -_-
And After That a boring TGS :@
ما عدى طبعا عروض ديفل ماي كراي وميتل جير ..
يمكن كوني غير معجب بالآربيجي هو اللي سبب هذا الشيء ..
لكن لأكون صادق لوست اوديسي وبلو دراجون ووايت نايت كانت ابداع وجميلة ..
لكن مشكلتي مع الجيمبلاي نفسه وطريقته ..
ملاحظة: وايت نايت كانت الأفضل بينهم لأنها آكشن آربيجي وليست ترن بايسد

وبعدها جاء الحدث الأفضل في الأيام الماضية بينهم وهو
X06

Assasins Creed
نجمة المعرض بالنسبة لي الى الان (الا لو عرضوا ديمو لفايبل 2) يعني فعلا مثل ما قالوا نيكست جين جيمبلاي
تصرفاتك اللي تفعلها تؤدي الى نتائج مختلفة ..
تقوم تتسلق الأبنية قدام الله وخلقه يقومون يتجمهرون حولك الناس :p
تقوم تدفع الناس بشدة عن الطريق تجعله يحقدون عليك وتسبب لنفسك مشكلة :p

أو حركة السوشيل ستيلث اللي تساعدك في انك تخفي نفسك ..
طبعا تخفي نفسك مهوب معناها تقعد في الظل او تسشتخدم اوكتو كاموفلاج :p
بل انك تعمل اشياء تعتبر مقبولة من قبل الناس وغير مشكوك فيها مثلا..
في الديمو كان فيه مجموعة من العبّاد يمشون تقوم انت تدخل بينهم وتمشي مثله كأنك واحد منهم
طبعا هم سمحوا لك حسب كلامهم لانك ساعدتهم في مهمة سابقة ..

غير كذا فكرة انك تقدر تقتل الشخص المطلوب بالطريقة اللي تعجبك..
تسوي نفسك عنتر وتدخل بقوة وبسرعة ..
أو تستخدم السوشيل ستيلث..

والأمر الأخير اللي أعجبني فيها واقعية القتال ..
يعني يقولون انه ممكن ضربة واحدة في الرأس تسبب بقتلك (مثل ما صار في الديمو ) نقطة جميلة في اللعبة ..

Halo Wars
العرض لوحده كان في غاية الروعة ..
وكون القصة قبل احداث الجزء الأول أمر ممتاز ..
لكن...
RTS -__-"
ما عمري عرفت لها ما احسها فيها حماس ..
لكن ممكن أغير رأيي خاصة انها على أيام الجيل القبل الماضي (الننتيندو 64 والشلة )
FPS was unplayable for me ..
لكن الان هي ممكن أفضل طريقة لعب عندي :)

ممكن جدا اللعبة هذي تغير طريقة نظرتي للألعاب هذي لو حبكوها صح ..


--------------------------------------------

وأخير ...

Thats All ..

Thanks for Reading ..


P.S:
مليت من الخربطة اللي تصير اذا حطيت عربي مع انجليزي في سطر واحد -_-
ولا تنسون التعليقات :p