عيدكم مبارك :-)

كل عام وانتم بخير .. (بعد الزحمة -_-)
نسأل الله ان يعيده علينا وعليكم باليمن والمسرات ..
وأن يتقبل منا ومنكم صالح الأعمال ..

كنت مخطط انه أكتب هذي المعايدة ليلة العيد قبل ما اسافر ويكون معها اعتذار عن الانقطاع لكن ..
تجري الرياح بما لا تشتهي السفن ..

أحب أعتذر عن انقطاعي الفترة الماضية المشاغل كانت كثيرة .. ( من ضمنها الألعاب ;-) )
وكنت اذا دخلت النت ادخل للمنتدى وبعض المواقع ..
فكان البلوج موضوع في أسفل القائمة ..

أشكر الشباب اللي سألوا في الفترة الماضية ..
واللي ما سألوا بعد -_-

عموما ان شاء الله بيكون فيه تحديثات أكثر في الفترة القادمة مع بداية الدراسة والوقت يبدأ يتنظم أكثر ..

كملت 10 ساعات في فاينل فانتزي 12 ..
ما توقعت أبدا هذا الشيء يصير مثل ما ذكرة في مقال سابق ان تبادل الأدوار ما أحب العبه (ما ادري كيف الواحد يتحمل يلعبه )
لكن نظام فاينل فانتزي 12 صار القتال ريل تايم يعني ما تنتظر الى انهم ينقلونك الى القتال ثم بعد ما ينتهي القتال تنتظر الى ان ترجع وهلم جرا ..
فنقطة السرعة هذي حلوه ..

غير كذا نظام الجامبتس اللي تخليك تحط اوامر معينة للفريق اللي معك بحيث خلاص يصير تحركاتهم تلقائية بدون ما انت تضطر انك توجههم لكل خطوة ( طبعا أنا حاط حتى قائد الفريق مشغل له الجامبتس )

ان شاء أنهي جزء كبير منها قبل بداية الدوام ..

وتكون أول لعبة
Turn-Based RPG
أكملها للنهاية ;-)
ويمكن أكون آربيجي فريك :p

لكن لو رجعوا للنظام الكلاسيكي القديم فأكون ما استفدت شيء -_-


Thanks for Reading :)